Темите на Меѓународна географска конференција „Еурогео 2025“се движеа околу критичкиот пристап кон географијата како дисциплина која ги поврзува луѓето, местата и просторот. Овој настан, за прв пат на Балканот, се одржа во просториите на Институтот за географија при ПМФ и претставуваше значаен собир на истакнати географи, истражувачи и професори од Европа и целиот свет
Влијанието на вештачката интелигенција во географското образование, Иновации во геопросторни технологии, Просторно граѓанство и социјална инклузија, Глобализација, урбанизација и миграции, Екологија и управување со водени екосистеми, Географското образование и курикуларните реформи. Ова беа темите на Меѓународна географска конференција на Европската асоцијација на географи „Еурогео 2025“ што се одржа под мотото „Хуманизација на географијата: луѓе, место и простор во глобализиран свет“ на Институтот за географија при Природно-математичкиот факултет при Универзитетот „Св. Кирил и Методиј“ во Скопје.
– Темите се движеа околу критичкиот пристап кон географијата како дисциплина која ги поврзува луѓето, местата и просторот. Овој настан, за прв пат на Балканот, се одржа во просториите на Институтот за географија при ПМФ и претставуваше значаен собир на истакнати географи, истражувачи и професори од Европа и целиот свет – велат м-р Арсе Кузманоски и м-р Емилија Маневска, асистенти на Институтот за географија.
На конференцијата присуствуваа вкупно 117 учесници од 29 држави од речиси сите континенти. Во рамките на програмата беа одржани две пленарни предавања, 71 презентација на научни трудови, 26 постер-презентации, 6 работилници, 2 специјални панел-дискусии и една теренска екскурзија во кањонот Матка.
Пленарно предавање од страна на Проф. д-р Иван Радевски
Конференцијата се одржа од 16 до 18 мај. По свеченото отворање се одржа првото пленарно предавање на проф. д-р Иван Радевски на тема „The Abrupt Descent of Great Prespa Lake – Natural Causes or Shared Responsibility“.
– Излагањето се засноваше на примена на статистички анализи како Cross-Correlation, Mann-Kendall и Pettit тестови, со кои се идентификувани антропогени и климатски влијанија врз хидролошката рамнотежа на езерото. Заклучокот повикуваше на итна потреба од прекугранична соработка во управувањето со водните ресурси – велат Кузманоски и Маневска.
Во текот на првиот ден, покрај пленарното предавање беа спроведени осум сесии за презентации, три работилници и постер-презентација на научните трудови.
Вториот ден се одржа втората пленарна сесија со проф. д-р Мартин Ханус од Карловиот универзитет (Чешка), на тема „Developing Students‘ Geographical Thinking Through Map“.
– Излагањето беше фокусирано на иновативни пристапи за интеграција на мапи во наставата, за зајакнување на критичка и просторна писменост кај младите генерации. Се одржаа и две панел-дискусии: „Geographical Journals“ на која беа дискутирани предизвиците во научното издаваштво и улогата на географските списанија во современиот академски свет и „Policy failures in environmental governance: Between power politics and techno-managerialism“, каде учесниците анализираа прашања поврзани со политички и менаџерски пристапи кон зачувување и заштита на животната средина – објаснуваат од ПМФ.
Свечено отворање и говор од страна на проф. д-р Свемир Горин
На вториот ден беа одржани и седум сесии за презентации, три работилници и завршната свечена церемонија. Во делот на усните и постер презентации, активно учествуваа и членовите на Институтот за географија со научните трудови:
Marija Ljakoska & Mirjanka Madjevikj: Population dynamics in small settlements – the case of North Macedonia.
Emilija Manevska, Olgica Dimitrovska, Ivan Radevski, Svemir Gorin & Arse Kuzmanoski: Investigating the Relationship between PM₁₀ and Climatic Parameters using GAM Model: A Case Study of Skopje, Kumanovo, Bitola, North Macedonia.
Svemir Gorin, Katerina Drogreshka, Ivan Radevski, Jasmina Najdovska, Olgica Dimitrovska & Blagoja Markoski: Geographic information systems application in site selection of suitable locations for permanent seismic stations as a part of the seismic network of North Macedonia.
Arse Kuzmanoski, Svemir Gorin, Ivan Radevski, Blagoja Markoski, Olgica Dimitrovska & Emilija Manevska: Comparison of selected meander sections of the Vardar and Bregalnica rivers.
Anita Todorova & Blagoja Markoski: The functionality of protected areas in the educational process of geography in the Republic of North Macedonia.
Vladimir Zlatanoski, Hristina Dimeska & Blagoja Markoski: Using the Intramax method to identify functional regions in North Macedonia.
Milena Taleska, Dejan Iliev & Katerina Rangelova: Comparative analysis between tourists‘ preferences and travel agency offers: the case of North Macedonia.
Hristina Dimeska Trajkova, Vladimir Zlatanoski: Measuring tourism seasonality across North Macedonia’s statistical regions
Vladimir Zlatanoski: Geographical Reviews.
Конференцијата заврши со еднодневна теренска посета на Кањонот Матка, како дел од запознавање на природно-географските богатства на Македонија и околината на Скопје.
Завршна церемонија од конференцијата „Еурогео 2025“ во Скопје
„Еурогео 2025“ е резултат на успешната соработка помеѓу Европската асоцијација на географи (Eurogeo) и Институтот за географија при ПМФ во Скопје. Коорганизатори и поддржувачи се Македонското географско друштво и Научното здружение „Геобалканика“.
Научниот и организацискиот одбор беа составени од претставници на Институтот за географија при ПМФ – УКИМ и членови на управниот одбор на Eurogeo. Претседател на научниот одбор беше проф. д-р Свемир Горин, а претседател на организацискиот одбор беше проф. д-р Благоја Маркоски.
Теренска екскурзија на кањонот Матка
– Конференцијата во Скопје доби пофални зборови од учесниците за професионализмот околу организацијата, со препораки за продолжување на ваквите формати на академска и практична размена. Истовремено се воспоставија нови познанства и контакти меѓу академскиот персонал на Институтот за географија со реномирани географски научници од целиот свет – велат од Институтот за географија.
Фото: Институт за географија
